Një grua nga Alabama, e cila e humbi unazën e klasës së saj të shkollës së mesme teksa notonte në një liqen në Kaliforni, së shpejti do të ribashkohet me të pas 53 vjetësh, falë një çifti që e gjetën atë gjatë peshkimit.
Dana Scott Laughlin tha se ishte duke notuar në liqenin Berryessa menjëherë pas diplomimit nga shkolla e mesme në vitin 1969, kur unaza i ra nga gishti dhe u fundos në fund të liqenit.
Djali i Laughlin mori një mesazh disa ditë më parë nga një çift, i cili tha se gjetën një unazë teksa peshkonin në liqenin Berryessa dhe po përpiqeshin të identifikonin pronarin e saj.
Laughlin rishikoi fotot e unazës dhe konfirmoi se ajo ishte e shkruar me inicialet e saj dhe emrin e shkollës që ndoqi.
"Unë thjesht thashë se isha shumë mirënjohëse dhe nuk mund ta besoja që ajo e kishte gjetur unazën pas kaq shumë vitesh. Burri im ishte si në një gjendje shoku", tha Laughlin për WPMI-TV, transmeton Klan Kosova.
Laughlin shtoi se unaza është në rrugën drejt saj nëpërmjet postës UPS.
https://www.youtube.com/watch?v=8L1J8DiIkv8
●●●
EVSHKRIMI NGA
E V
Editorial nga Klan Kosova — ndjek të tjera dhe zhvillimet e tjera kryesore të vendit.
