Unaza e reperit të ndjerë Tupac Shakur, me material ari, rubini dhe diamanti, u vlerësua më shumë se 1 milion dollarë, duke u bërë artifakti më i vlefshëm hip-hop i shitur ndonjëherë në ankand.
Ky aksesor, i cili u dizenjua nga Shakur dhe të cilin e mbajti gjatë paraqitjes së tij të fundit publike në Video Music Awards (VMAs) 1996, u shit tri herë më shumë se vlerësimi i shtëpisë së ankandit në një shitje me temë hip-hop në Nju Jork, raporton CNN, transmeton Klankosova.tv.
Unaza mban mbishkrimin “Pac & Dada 1996”, referencë për fejesën e tij me aktoren dhe modelen Kidada Jones (vajza e producentit amerikan Quincy Jones).
Ajo u projektua disa muaj pasi reperi nënshkroi me “Death Row Records” pas një dënimi me burg 8 mujor. Ajo u modelua sipas kurorave të mbretërve mesjetarë të Evropës në “një akt të vetëkurorëzimit”, tha kumbara e Shakurit, Yaasmyn Fula, e cila e solli unazën në ankand, sipas një njoftimi për shtyp të “Sotheby's”.
Fula tha se ajo punoi me djalin e saj dhe argjendarët e Nju Jorkut për të prodhuar veprën për të festuar faktin se Shakur i mbijetoi një periudhe të trazuar të jetës së tij.
●●●
ASHKRIMI NGA
A
Editorial nga Klan Kosova — ndjek të tjera dhe zhvillimet e tjera kryesore të vendit.
