UNICEF bën thirrje për respektimin e masave parandaluese ndaj Covid-19 në Kosovë

Gjersa numri i rasteve me Covid-19 vazhdon të rritet, UNICEF bën thirrje për respektimin e masave parandaluese në Kosovë. Kjo organizatë kërkon që të vazhdohet ndërmarrja e tri masave paraprake të thjeshta për të zvogëluar shanset për infektim ose përhapje të pandemisë, njofton Klan Kosova.

1. Mbani maskë në hapësirat publike.
2.  Mbani të paktën 1.5 metër distancë me të tjerët.
3.  Lani rregullisht duart tuaja me sapun dhe ujë.

Më poshtë mund ta lexoni komunikatën e plotë: “Mbrojtja e shëndetit të fëmijëve dhe komuniteteve mbetet prioritet kryesor për UNICEF-in. Ne jemi në partneritet me institucionet, shoqërinë civile, mediat, prindërit dhe të rinjtë në mënyrë që të reagojmë dhe të rimarrim veten nga efektet e COVID-19. Është arritur progress i konsiderueshëm por duhet të bëhet shumë më tepër për krijimin e një normaliteti të ri. Unë vet i praktikoj dhe u bëj thirrje të gjithëve të praktikojnë tre hapa të thjeshtë "maskë, distancë, higjienë" për ta mbrojtur njëri-tjetrin - tha, Murat Sahin, Shefi i Zyrës së UNICEF-it të Kosovës. Që nga fillimi i shpërthimit, UNICEF-i ka siguruar 7.1 ton të pajisjeve mbrojtëse personale (PMP) për Ministrinë e Shëndetësisë, ku 10%  e tyre janë shpërndarë në institucionet shëndetësore të komunitetit serb. 20,000 pako të higjienës familjare dhe pajisje shtesë për fëmijët u janë shpërndarë përmes Kryqit të Kuq të Kosovës familjeve në nevojë me mbështetjen financiare të USAID-it në Kosovë dhe Qeverisë së Luksemburgut. UNICEF-i do të vazhdojë të sigurojë asistencë teknike, ofrimin e furnizimeve esenciale, mbështetje efektive të komunikimit për të siguruar mbrojtjen e të drejtave të fëmijëve dhe familjeve të tyre. Gjatë muajve të ardhshëm, në konsultim me Ministrinë e Shëndetësisë dhe OBSH-në, UNICEF-i do të sjellë 37.5 tonë shtesë pajisje mbrojtëse personale (PMP) për punonjësit shëndetësorë të vijës së parë. Këto furnizime esenciale janë vënë në dispozicion përmes mbështetjes bujare të Qeverisë së Luksemburgut me 19 ton (2,476,900 njësi PMP), Ambasadës së Japonisë në Kosovë me 9.5 ton (993,750 PMP) dhe Fondi i Mirëbesimit për Reagim dhe Rimëkëmbje nga COVID-19 i KB-së me 9-ton (916,700 PMP). UNICEF-i i vlerëson përpjekjet e donatorëve, institucioneve dhe partnerëve të tjerë dhe është i përkushtuar të vazhdojë me këtë partneritet të fortë në mënyrë që të plotësojë nevojat e personave të prekur nga COVID 19. ### Rreth UNICEF-it UNICEF-i promovon të drejtat dhe mirëqenien e çdo fëmije, në çdo aktivitet. Së bashku me partnerët tanë, ne punojmë në 190 vende dhe territore për ta kthyer këtë angazhim në veprime praktike, duke bërë përpjekje të posaqme për të arritur tek fëmijët më të cenuar dhe më të përjashtuar, në dobi të të gjithë fëmijëve, kudo në botë. ëëë.unicef.org Për më shumë informata, ju lutemi kontaktoni Dafina Zunën, Zyrtare për Komunikim dhe Partneritete, në e-mail: [email protected]     

klankosova.tv