UP e 3031-ta, më e mira nga krejt shqiptaret (VIDEO)

Larg nga të parët, por qëndron më së miri në trojet shqipfolëse. Universiteti i Prishtinës “Hasan Prishtina”, në rangimet e Webometrics, mbanë pozitën e 3031-të. Në këtë listim, UP ka rënie për 4 vende, por kjo sipas ORCA-s, nuk nënkupton se qëndron më keq në cilësi, ngase matjet janë të orientuara ndryshe. Në këtë aspekt, një mori universitetesh në rajon pozicionohen goxha më keq. Në UP kanë identifikuar mangësitë, dhe synojnë avancim përmes përmirësimit në shtyllën më të dobët “Impact Rank”, duke u fokusuar në pasurimin me të dhëna të domeneve dhe subdomeneve të UP-së, publikimi i punimeve shkencore etj. Universiteti që e pason UP-në  në këtë rangim është ai i Prizrenit, në vendin e 12,522, e më së poshti qëndron ai i Ferizajt, në pozitën 21,260. Ndryshe nga Webometrics, Universiteti i Prishtinës, në platformën Scimago, ku vlerësohet performanca shkencore, ka shënuar rritje. https://www.youtube.com/watch?v=4AvdJ347MjA