Uran Ismaili shërohet nga koronavirusi

Deputeti nga radhët e Partisë Demokratike të Kosovës, Uran Ismaili, ka bërë të ditur se është shëruar nga COVID-19. Përmes një shkrimi në Facebook, ai ka lutur qytetarët që t’i mbajnë maskat dhe distancën fizike për t’u mbrojtur nga virusi, njofton Klan Kosova. “Pas më shumë se dy javë izolimi të plotë e të lodhshëm, fatmirësisht vajza ime Uma, gruaja Arizona dhe unë dolëm negativë në testin për COVID-19. Ju falënderoj të gjithëve për mesazhet përkrahëse”. “Me mirësinë tuaj, na dhatë më shumë forcë që ta tejkalojmë më lehtë këtë sfidë të vështirë me virusin. Ju lus të gjithëve që t'i vendosni maskat dhe ta mbani distancën, që të mbroni veten dhe të tjerët. Zoti ju bekoftë dhe shërim të shpejtë të gjithë të infektuarve”.

klankosova.tv