Ushqimet magjike për një shtatzëni të shëndetshme

Shtatëzania është ndër periudhat më delikate dhe të bukura të një gruaje. Ushqimi mbetet një rutinë shumë e rëndësishme po ashtu. Çfarë duhet të konsumojë një grua gjatë shtatëzanisë? Motoja “ha për dy” është e vjetëruar. Konsiderata e arsyeshme është se ato që janë mbipeshë duhet të përpiqen të fitojnë më pak dhe ato që janë nënpeshë të përpiqen të kenë një dietë të mjaftueshme. Më pak e dukshme është këshilla për të kalibruar dietën me rritjen graduale të fëmijës. Në tremujorin e parë nevojat e nënës ndryshojnë shumë pak, por me përparimin e shtatzënisë rriten. Duke folur për gratë me trup mesatar dhe pa patologji, nga tremujori i dytë në të tretë e në vazhdim, mund të mendohet plotësimi i dietës ditore, por me sa? “Mesatarisht rreth 300-350 kcal në ditë”, sipas Giorgio Donegani, ekspert i të ushqyerit. Një rol të rëndësishëm në këtë periudhë luajnë mikronutrientët, vitaminat dhe mineralet që ndihmojnë në ndërtimin e organeve të fetusit dhe mbulojnë nevojat më të mëdha të nënës në këtë periudhë. “Një problem i mundshëm nga i cili është mirë të keni kujdes është mungesa e kalciumit”, sipas ekspertit. Kërkesa rritet pak, por nëse kjo kërkesë nuk mbulohet, fetusi merr kalcium nga kockat dhe dhëmbët e nënës, të cilat më pas mund të gjenden në mungesë. Prandaj, produktet e qumështit mbeten një ushqim themelor dhe në konsumin e tyre mund të shtohet edhe uji me të paktën 250 mg kalcium për litër. Mineralet dhe yndyrat e mira janë gjithashtu të pranishme te arrat, një eliksir i vërtetë për shëndetin. “Yndyrnat e pangopura që përmbajnë arrat ndihmojnë në ndërtimin e membranave qelizore dhe të sistemit nervor: arrat janë një suplement i vërtetë natyror, si dhe janë një burim i rëndësishëm mineralesh, përfshirë kalciumin” , vëren Donegani. Sakaq, disa suplemente rekomandohen për t’u blerë nën mbikëqyrjen mjekësore. Acidi folik është në vendin e parë prej vitesh. Tani ka një tendencë për të integruar edhe hekurin sepse fetusi dhe placenta kanë nevojë për hemoglobinë. “Të ekzagjerosh me ushqimet integrale mund të sjellë vështirësi në përthithjen e kalciumit dhe hekurit”, sipas tij. Meqenëse fibrat janë të dobishme për sistemin tretës, ju mund të zgjidhni drithërat integrale për mëngjes, por të pasuruara me hekur dhe kalcium. Çaji përmban gjithashtu tanina, të cilat pengojnë përthithjen e kalciumit, por thjesht mos e teproni.