Një ekip zbulimi gjerman i Bundeswehr-it është larguar nga Groenlanda pas më pak se dy ditësh.
Tërheqja u raportua nga Bild dhe Der Spiegel, dhe informacioni u konfirmua për agjencinë e lajmeve DPA nga zëdhënësi i Ministrisë gjermane të Mbrojtjes. Sipas Bild, e cila e raportoi e para lajmin, ushtarët u informuan për largimin e papritur vetëm këtë mëngjes.
"Dje ishte ende e paqartë se sa gjatë do të qëndronte", tha Moritz Müller, një nga gazetarët që mbulonte rastin.
Bild raporton se gjithsej 15 ushtarë gjermanë, nën komandën e Admiralit të Flotës Stefan Pauly, u panë në aeroportin e Nuuk të dielën pasdite sipas kohës gjermane, ku ata hipën në një fluturim të rregullt të Icelandair për në Keflavik në Islandë. Urdhri për t'u kthyer erdhi herët në mëngjes nga Berlini. Nisja ishte planifikuar për në orën 14:00 sipas kohës gjermane, por fluturimi u vonua sepse aeroplanit iu desh të shkrihej akulli.
Sipas Bild, të shtunën u fol se ushtarët gjermanë mund të qëndronin më gjatë se sa ishte planifikuar, por kjo nuk ndodhi, pa informacione shtesë ose njoftim zyrtar. /Klankosova.tv
●●●
VZSHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
