Dita e martesës padyshim se do të mbetet si më e rëndësishmja për një çift pasi kështu bëhet vulosja e dashurisë për të dy palët që do të shënojnë një kapitull të ri.
Në ditën kur çifti është qendra e gjithë organizimit të dasmës paraqitja e nusës dhe dhëndrrit është një nga gjërat kryesore që të sapomartuarit do t'i kushtojnë vëmendje, njofton Klankosova.tv.
Një ushtar i Forcës së Sigurisë së Kosovës duket nuk e pati aspak problematike zgjedhjen e kostumit të duhur në ditën më të rëndësishme bashkë me bashkëshorten e tij.
Fotografja Bleonitë Duraku ka publikuar fotografitë e një çifti të sapomartuar ku nusja duket për mrekulli me vellon e bardhë teksa dhëndrri ka zgjedhur që edhe në këtë ditë të mbajë veshur uniformën e FSK-së.
"Dashnia osht forcë që t'veshë me rrobat e krenarisë", ka shkruar fotografja krahas fotografive të çiftit të ri.
●●●
Shpërndaje këtë artikull
N
SHKRIMI NGA
NP
Editorial nga Klan Kosova — ndjek lifestyle dhe zhvillimet e tjera kryesore të vendit.
