Vajza e Trumpit e uron motrën për martesë: Qoftë dashuria juaj burim drite në këtë botë

Ivanka Trump, vajza e ish-presidentit të ShBA-së, Donald Trump, i ka uruar motrës Tiffany një martesë të lumtur me burrin e saj, Michael. Ajo, përmes një shkrimi në Facebook, tha se ëndërra për të pasur një motër të vogël iu realizua kur ishte 12 vjeçe. "Kur isha 12 vjeç ëndrra ime për të pasur një motër të vogël u realizua! Që në momentin e parë që mbajta Tiffanin në krahë dhe shikova ata sy blu të mëdhenj, të sjellshëm e kureshtarë, u pushtova", ka shkruar Ivanka në Facebook. Ivanka tha se Tiffany rrezaton dashuri, dhembshuri dhe hir, atributet që, sipas saj, ajo do t'i sjellë në martesën e saj me Michael. "I uroj Tiffanit dhe Michael një bollëk lumturie dhe gëzimi, derisa fillojnë jetën e tyre së bashku si burrë e grua! Qoftë dashuria e tyre burim drite në këtë botë!", ka shtuar ajo.