Vajza që humbi ballin në aksident, ka një lutje për të gjithë (FOTO)

Një vajzë ka treguar se si e kishte humbur ballin dhe dy dhëmbët në një aksident të tmerrshëm, pasi kishte vendosur këmbët mbi maskën e makinës së të dashurit të saj, transmeton Klan Kosova. Gjunjët e Grainne Kealy, u përplasen në fytyrën e saj kur airbag u hap, pasi goditi një mur pranë Laois në Irlandë. Një javë më vonë, 22 vjeçarja u zgjua dhe shikoi veten në pasqyrë dhe pa plagët e rënda. Ajo mendonte se ishte dikush tjetër pasi jeta e saj u shkatërrua. Grainne kishte thyer çdo kockë në fytyrën e saj, pësoi një dëmtim në tru dhe duhej të hiqte ballin e saj. Fatmirësisht, i dashuri i saj kishte plagë të lehta. “Mbaj mend kur e kam shikuar veten në pasqyrë, ishte e tmerrshme”, tha ajo. Në atë mbrëmje fatale, më 16 dhjetor 2006, Grainne, tani 35 vjeçare, pranoi se kishte vendosur këmbët në maskën e makinës, që të ishte më e rehatshme. “Ishte diçka që unë e kam bërë rrallë. Pasi kisha blerë çizme të reja, doja t’i hiqja pak”. Asaj nuk i kujtohet asgjë nga aksidenti. Ajo iu nënshtrua një operacioni që zgjati 10 orë e gjysmë për të rregulluar thyerjet e shumta në fytyrën e saj dhe lëndimet në tru. Balli iu hoq pasi ajo u kontraktua me një infeksion. “Koka ime s’ishte e njëjta, dhe ishte pak e çuditshme”, pranoi Grainne. Ajo u përpoq ta fshihte me kapele por ende kishte pamje të çuditshme prandaj edhe nuk doli më në vende publike. Përveç kësaj, ajo hoqi pasqyrat në dhomën e saj. Por, Grainne u pajis me një ballë artificial dy vjet më vonë, në 2009. Në vitin 2017, ajo më në fund ndihej mirë dhe ndau historinë e saj si dhe lëshoi një lutje për të tjerët që mos ta bënin gabimin që ka bërë ajo.