Vajzat me autizëm kanë më shumë gjasa të përjetojnë ankth sesa djemtë

Djemtë kanë katër herë më shumë gjasa të diagnostikohen me autizëm sesa vajzat, por vajzat mund të kenë më shumë gjasa të përjetojnë ankth krahas çrregullimit sesa djemtë, zbulon një studim i ri. Ankthi priret të shfqet me autizëm, i cili karakterizohet nga probleme me ndërveprimin social, komunikimin dhe sjelljen. Rreth 1 në 36 fëmijë në Shtetet e Bashkuara ka autizëm, sipas Qendrave të ShBA-së për Kontrollin dhe Parandalimin e Sëmundjeve. Tani, ky studim i fundit sugjeron se çrregullimi i zhvillimit mund të shfaqet pak më ndryshe te vajzat. "Femrat autike kanë shkallë më të lartë të çrregullimeve të ankthit sesa meshkujt autikë, veçanërisht në paraqitjet e ankthit që janë të dallueshme nga autizmi dhe mund të jenë më sfiduese për t'u identifikuar", tha autorja e studimit Christine Wu Nordahl. "Kjo është veçanërisht e rëndësishme sepse ne tani e dimë se ka trajtime efektive për ankthin te të rinjtë autikë që mund të përmirësojnë shumë cilësinë e jetës së tyre, por premtimi për trajtime efektive mund të realizohet vetëm nëse mund të identifikojmë me saktësi ankthin", ka shtuar ajo. Për studimin, 112 fëmijë me autizëm iu nënshtruan skanimeve të trurit kur ishin të vegjël dhe në tre pika të tjera kohore. Prindërit e tyre u intervistuan në lidhje me simptomat e tyre të ankthit kur këta fëmijë ishin 9 deri në 11 vjeç, për të ndihmuar në zbulimin nëse ankthi ishte i lidhur me simptomat e autizmit apo një entitet të veçantë. Në përgjithësi, vajzat kishin nivele më të larta ankthi sesa djemtë, duke përfshirë frikën nga ndryshimi. Ato gjithashtu kishin norma më të larta të formave më tradicionale të ankthit, të tilla si ankthi social, ankthi i përgjithësuar dhe ankthi i ndarjes, tregoi studimi, përcjell Klankosova.tv Shumë fëmijë me autizëm kanë frikë nga ndryshimi dhe mund të reagojnë kur ndodh diçka që është jashtë normës. Kjo është e ndryshme nga ankthi apo shqetësimi paraprak, tha Nordahl. Vajzat me autizëm duket se përjetojnë ankth në një shkallë më të lartë se djemtë, tha ai, dhe kjo lidhet me gjetjet në skanimet e trurit. Dallimet në seks në autizëm janë një bisedë e vazhdueshme dhe kjo dëshmi e fortë vërteton nevojën për të qenë më të kujdesshëm për ankthin dhe mënyrën se si e njohim dhe trajtojmë atë te djemtë dhe vajzat me autizëm. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.