Dhimbje e dyfishtë e ka kapluar Pejën, që të hënën ishte në ditë zie. Te varrezat e qytetit iu dha lamtumira e fundit nënës Mirsada Ademaj dhe të birit të saj, Dionit, që humbën jetën për shkak të vërshimeve, dy ditë më parë.
Hapësira u mbush nga njerëzit që shkuan ta ndajnë dhimbjen me familjarët fort të pikëlluar. Dikush e përjetoi më rëndë ikjen e 26-vjeçares e 5 vjeçit. Për të ndjerit u thurën lutje, në ceremoninë fetare.
Të pranishëm kishte politikanë lokalë e shtetërorë. Kurse presidentja Vjosa Osmani kishte dërguar stafin e saj, bashkë me një telegram ngushëllimi. Një të tillë e ka dërguar edhe Naim Tërnava i Bashkësisë Islame.
Varret e njoma më pastaj u mbuluan me lule. Kurse familjarët i vunë në rresht për kryeshëndosh.
Mirsada e Dion Ademaj vdiqën të shtunën mbrëma, pas vërshimit të ujit te shtëpia e tyre, si pasojë e reshjeve të shiut që po ashtu dëmtuan një pjesë të madhe të qytetit të Pejës.
https://www.youtube.com/watch?v=8tkXhOrU1nM
Rrini të informuar mbi zhvillimet kryesore duke u bërë pjesë e komunitetit tonë në Viber
BONUS: Merreni aplikacionin tonë në
Android dhe
iOS
klankosova.tv
●●●
HSHKRIMI NGA
H.S
Editorial nga Klan Kosova — ndjek video lajme dhe zhvillimet e tjera kryesore të vendit.
