Varroset Ozzy, Sharon s'i ndal lotët

Sot në Birmingham, familja dhe mijëra fansa i dhanë lamtumirën e fundit legjendës së rockut, Ozzy Osbourne. Në funeral, Sharon Osbourne, gruaja e tij prej 43 vjetësh, u shfaq e tronditur dhe nuk i ndaloi dot lotët, teksa shoqërohej nga fëmijët e tyre, Jack dhe Kelly. Emocioni mbizotëroi gjatë gjithë ceremonisë, ndërsa mijëra njerëz brohoritën dhe nderuan legjendën që la gjurmë të pashlyeshme në muzikë dhe në zemrat e tyre. Ozzy Osbourne vdiq më 22 korrik, pas një beteje të gjatë me probleme shëndetësore, përfshirë edhe diagnostikimin me Parkinson në vitin 2022.