Vdekja e 26 vjeçarit nga Vitia, policia: Nuk erdhi si pasojë e aksidentit

Një ngjarje tragjike ka ndodhur sot në autostradën “Arbën Xhaferi”. Si rrjedhojë, pranë lumit tek ura e Kaçanikut, u gjet pa shenja jete një i ri, i cili më vonë u identifikua të jetë nga Vitia, transmeton klankosova.tv. Lidhur me rastin në fjalë u deklarua edhe policia përmes një komunikate. Në njoftimin e policisë thuhet ajo që klankosova.tv, raportoi e para, ku sipas dyshimeve fillestare viktima nuk ka vdekur si pasojë e këtij aksidenti. “Më datë 08.06.2025, rreth orës 13:15, jemi njoftuar nga një qytetar për gjetjen e trupit të pajetë të viktimës I.H (M/K) i moshës 26 vjeç. Dyshohet se viktima kishte pësuar aksident trafiku rreth orës 05:00 të mëngjesit në autostradën “Arbën Xhaferi”, afër fshatit Bob, komuna e Kaçanikut. Menjëherë pas pranimit të informacionit, në vendin e ngjarjes kanë dalë njësitet përkatëse të Trafikut të Autostradës. Pas ekzaminimeve fillestare nga hetuesit e trafikut, është konstatuar se vdekja e viktimës nuk ka ardhur si pasojë e aksidentit”, thuhet në njoftim transmeton Klankosova.tv. “Në vendin e ngjarjes kanë dalë edhe hetuesit e stacionit policor Kaçanik, ndërsa rreth orës 16:45, janë angazhuar edhe Hetimet Rajonale dhe Forenzika Rajonale. Për të gjitha veprimet policore është njoftuar prokurori për krime të rënda nga Prokuroria Themelore e Ferizajt, i cili ka autorizuar inicimin e rastit si:“Hetim mbi vdekjen”. Për informata shtesë, do të njoftoheni pasi të kryhen ekzaminimet e nevojshme nga hetuesit rajonal”. Lidhur me këtë ngjarje të trishtë kishte raportuar gjatë ditës edhe Klankosova.tv. https://klankosova.tv/pamje-nga-ura-e-kacanikut-vendi-ku-humbi-jeten-i-riu-pas-vetaksidentit-foto/ https://klankosova.tv/terhiqet-trupi-i-pajete-i-te-1riut-qe-vdiq-ne-vetaksidentin-ne-autostraden-arben-xhaferi-video/