Vdekja tragjike e të moshuarit në Prishtinë, Policia nis hetimet

Një ngjarje e rëndë ka ndodhur mëngjesin e sotëm në Prishtinë. Afër një hoteli në lagjen e Muhaxherëve, një burrë është gjetur pa shenja jete. Lidhur me rastin e rëndë më herët ka raportuar edhe Klankosova.tv. Siç mëson Klankosova.tv viktima është G. Haxhiu. 84 vjeçar. Rreth ngjarjes tragjike është deklaruar edhe policia. Zëdhënësja për rajonin e Prishtinës, Flora Ahmeti, tha se kanë nisur hetimet e rrethanave që karakterizojnë rastin. "Rreth orës 06:00 është marrë informata për një person (mashkull) pa shenja jete, në Lagjen e Muhaxherëve në Prishtinë. Vdekja e tij është konstatuar nga ekipi i mjekëve emergjent në vendin e ngjarjes", tha Ahmeti për Klankosova.tv. https://klankosova.tv/pamje-nga-vendi-i-ngjarjes-ku-dyshohet-se-vdiq-tragjikisht-i-moshuari-ne-prishtine-foto/