Lajmet e fundit
Një 24-vjeçare ka humbur jetën në një poligon në Prishtinë, si pasojë e plagëve të marra nga arma e zjarrit.
Rastin e kanë konfirmuar nga Policia e Kosovës, transmeton Klankosova.tv.
Sipas njoftimit të policisë, zyrtari përgjegjës i poligonit është ndaluar dhe është dërguar në mbajtje për 48 orë.
"Mbrëmë rreth orës 19:30, është raportuar se në "një poligon në rrugën "Dritan Hoxha "në Prishtinë, një femër është plagosur me armë zjarri. Menjëherë është dërguar për trajtim mjekësor në QKUK, nga ku rreth orës 22:00 është konfirmuar vdekja e viktimës femër, L.S, 24 vjeçare", thuhet në njoftim.
"Njësitet policore menjëherë kanë dalë në vendngjarje dhe kanë ndërmarrë të gjitha veprimet e nevojshme hetimore. Në kuadër të hetimeve, është arrestuar një zyrtar përgjegjës i poligonit dhe me vendim të prokurorit është ndaluar për 48 orë".
