Vdes boksieri kroat me prejardhje shqiptare

Boksieri, Valentin Kajtazi ka vdekur gjatë një aksidenti tragjik që ka ndodhur sot në Tisno, Kroaci, shkruajnë mediat kroate, transmeton Klan Kosova. Klubi ku 27-vjeçari u trajnua për shumë vite, është tronditur nga ky lajm i hidhur. ‘Çfarë të themi, kur në këtë mëngjes morëm lajmin e trishtuar, të gjithë në klub jemi në gjendje shoku. Valentini ishte shembull, ai ishte fillestar por në sajë të këmbënguljes së tij ai u bë një konkurrent dhe luftoi më së miri. Ky lajm na ka goditur. Valentini ishte djalë i mirë, pozitiv dhe shumë i vlefshëm, e pabesueshme që ka ikur’, tha Joško Sunara, trajner i Šibenikut, KBK Petar Krešimir. Aksidenti ndodhi në mesantë në Tisno ku boksieri kroat me prejardhje shqiptare, vdiq në vendngjarje.