Vdes legjenda e muzikës rok, Meat Loaf

Rok-ylli amerikan, Meat Loaf, është ndarë nga jeta në moshën 74-vjeçare. Këngëtari, emir i vërtetë i të cilit ishte Marvin Lee Aday, vdiq mbrëmë, sipas një njoftimi të publikuar në llogarinë e tij zyrtare në Facebook. “Me zemër të thyer ju njoftojmë se i pakrahasueshmi Meat Loaf ka vdekur mbrëmë me gruan e tij, Deborën, që i ka qëndruar pranë”, shkruan në njoftim. “Bijat e tij, Pearl dhe Amanda, si dhe miqtë e ngushtë, kanë qenë me të në 24-orët e tij të fundit”. Karriera e tij ishte gjashtë dekada e gjatë, duke arritur që t’i shesë mbi 100 milionë albume, si dhe duke u shfaqur në filma tashmë klasikë si “Fight Club”, “Rocky Horror Picture Show”, “Focus” dhe “Wayne’s World”. “Bat Out of Hell”, album i tij më i njohur, mbetet gjithashtu në top dhjetë albumet më të shitura të të gjitha kohërave. https://www.youtube.com/watch?v=3QGMCSCFoKA