Vdes legjendari Matti Nykänen

Mbrëmë, në moshën 55 vjeçare, ka ndërruar jetë legjenda e kërcimit me ski, finlandezi Matti Nykänen. Nykänen u bë i famshëm si kërcimtar me ski në fillim të viteve 1980, kur suksesshëm arriti majat e këtij sporti. Nga viti 1981 deri në vitin 1991 fitoi katër medalje të arta olimpike dhe një medalje të argjendtë, nëntë medalje në Kampionatin Botëror dhe gjithsej 22 medalje në Kampionatin e Finlandës, 14 prej të cilave ishin të arta. Në kohën kur i fitoi tri medalje të arta në Lojërat Olimpike 1988 në Calgary, Nykänen u bë hero sportiv kombëtar dhe u zgjodh “Sportisti i Vitit në Finlandë” për vitet 1985 dhe 1988. Talenti i jashtëzakonshëm bëri që imazhi i tij duke kërcyer të vendosej edhe në pullë postare pas fitoreve rekorde olimpike në Calgary, njofton Klan Kosova. Ndonëse në karrierë ishte shumë i suksesshëm, gjatë jetës private u përball me shumë sfida. Nykänen ishte martuar pesë herë. Fytyra e tij - dhe historitë e telasheve - u shfaqën shpesh nëpër media dhe gazeta tabloide. Në fillim të viteve 1990 u bë këngëtar. Albumi i tij i parë, "Yllätysten yö" ( i publikuar në vitin 1992, u  shit në më shumë se 25.000 kopje, por albumet pasuese nuk ishin aq të suksesshme. Luftoi me alkoolizmin dhe u bë i njohur për sjelljet e dhunshme. U dënua me 26 muaj burg pas një incidenti me thikë në 2004, kurse mori një tjetër dënim prej 16 muajsh për sulmin ndaj gruas së tij në vitin 2009. Në verën e kaluar Matti Nykänen u diagnostikua me diabet, mirëpo në janar të 2019 i tha gazetës finlandeze Aamulehti se e kishte marrë veten përsëri nga diagnoza dhe se ishte kthyer në rrugën e duhur.   https://www.youtube.com/watch?v=RQXnvtE-hPE   Dokumentar i shkurtë për suksesin e Matti Nykänen në Lojërat Olimpike në Calgary https://www.dailymotion.com/video/x194zwi https://www.youtube.com/watch?v=Ndw8prQryGs https://www.youtube.com/watch?v=K85OvYjK-ak https://www.youtube.com/watch?v=SuMaTamEZ4k https://www.youtube.com/watch?v=th6nbgl4dEc