Vdes në QKUK personi i goditur nga vetura muajin e kaluar në Mitrovicë

Ka vdekur në QKUK personi i cili ishte goditur nga një veturë në lëvizje më 31 gusht në Mitrovicë. Policia bën të ditur se rasti tashm është në procedurë hetimore. “Viktima mashkull kosovar derisa ka qenë në rrugë ishte goditur nga një veturë në lëvizje, drejtuar nga i dyshuari mashkull kosovar. Viktima kishte pësuar lëndime trupore dhe ishte dërguar në QKUK për tretman mjekësor. I njëjti si pasojë e lëndimeve të marra më 29.09.2025 ka ndërruar jetë.  Rasti në procedurë hetimore”, njofton policia, transmeton Klankosova.tv.