Vdes një person në Pejë, ra nga një lartësi prej 3 metrash derisa po punonte

Një person ka vdekur derisa ka qenë duke punuar në një shtëpi. Ngjarja ka ndodhur dje rreth orës 10:40, në fshatin Graboc të Pejë. Sipas policisë, i njëjti ishte rrëzuar nga një lartësi prej tre metrash dhe si pasojë e lëndimeve të marra ka ndërruar jetë. Me vendim të prokurorit trupi i pajetë është dërguar në IML për obduksion. Rasti është iniciuar si "Hetim i vdekjes".