Vdes producenti Fisnik Vejsa, bashkëpunëtor shumëvjeçar me Klan Kosova

Ka vdekur producenti dhe autori kosovar, Fisnik Vejsa. Për vdekjen e tij kanë njoftuar persona të afërt me familjen e tij. Vejsa ka qenë bashkëpunëtor shumëvjeçar me Klan Kosova dhe Artmotion. Ka qenë producent i serialit të famshëm “O Sa Mirë”, pastaj “O Sa Kids”, dhe serialit “Ne”, të gjithë këta të transmetuar në Klan Kosova. Ndër të tjera, Vejsa ka qenë autor i emisionit “Fauna Jonë” në KTV. Ky emision ka qenë ndër të parët për botën shtazore në televizionet kosovare meqë Vejsa kishte studiuar veterinarinë dhe ishte i pasionuar pas botës shtazore, transmeton Klankosova.tv.