Vdesin në një aksident prindërit e prezantuesit të njohur britanik

Prindërit e prezantuesit së Channel 4, Phil Spencer, janë vrarë në një aksident tragjik në fermën familjare. Babai i prezantuesit Richard, 89 vjeç, dhe mamaja Anne, 82 vjeç, vdiqën të premten në drekë kur makina e tyre ra në një lumë. Ata ishin duke shkuar për në një bar kur makina e tyre doli nga rruga në një lumë të cekët që kalon nëpër pronën e tyre në Littlebourne, pranë Canterbury, Kent të Britanisë së Madhe. Bashkëprezantuesja dhe shoqja e Phil, Kirstie Allsopp, ka thënë se ishte për ngushëllime tek prezantuesi. Shërbimet e urgjencës kanë shkuar në vendngjarje, përfshirë një ambulancë. Richard u shpall i vdekur dhe Anne vdiq më vonë. Në makinë ka qenë edhe një grua rreth të 60-ave, e cila ka pësuar lëndime të lehta.