Vdiq në moshën 82-vjeçare aktorja Raquel Welch

Aktorja hollivudiane Raquel Welch ka vdekur në moshën 82-vjeçare. Ajo u nda nga jeta në mënyrë paqësore herët në mëngjes pas një sëmundjeje të shkurtër, tha kompania e saj e menaxhimit. Welch fitoi një Golden Globe në vitin 1975 për rolin e saj në “The Three Musketeers”. Ajo bëri debutimin e saj fillestar në vitin 1966 në aventurën fantastiko-shkencore "Udhëtimi fantastik" dhe dramën parahistorike "Një milion vjet para Krishtit". Pavarësisht se kishte vetëm disa rreshta dialogu, pamja e saj në këtë të fundit ishte një nga rolet e saj më të njohura, me bikini lëkurë dreri. Në vitin 2011, revista Time e vendosi atë në vendin e gjashtë në "10 bikinit më të mirë në kulturën pop". Krahas karrierës së saj të aktrimit, Welch shihej si një seks simbol, me revistën Playboy që e quajti atë "gruaja më e dëshiruar" e viteve 1970. Welch lindi në shtator 1940 në Çikago, familja e saj u zhvendos në San Diego në Kaliforninë jugore kur ajo ishte dy vjeç. Raquel ka lënë pas dy fëmijët e saj, djalin Damon Welch dhe vajzën e saj, Tahnee Welch. Klikoni KËTU për t’u bërë pjesë e kanalit zyrtar të Klan Kosovës në Viber. Klikoni KËTU për ta shkarkuar aplikacionin e Klan Kosovës në Android, dhe KËTU për iOS.