Vëllai i Eminemit reagon pas vdekjes së nënës

Vëllai i Eminemit, Nathan Mathers, ka bërë një koment publik pas vdekjes së nënës së tyre, Debbie Mathers. Mathersi vdiq sot në moshën 69-vjeçare duke lënë pas një marrëdhënie të stuhishme me fëmijët e saj. Nathan ka reaguar në Instagram duke thënë që “po ndien urrejtje dhe emocione të përziera për momentin”. Mathersi ishte një ndër figurat kryesore në këngët e Eminemit, fillimisht e urrejtjes e pastaj, vite më vonë, e pajtimit. Ajo akuzohej nga fëmijët e saj për neglizhencë dhe keqtrajtim.