Vëllai i Jeffrey Epstein pretendon se një raport i ri do të vërtetojë se financuesi famëkeq pedofil është vrarë. Mark Epstein e deklaroi këtë në emisionin "Uncensored" të Piers Morgan, pas së cilës ai e ndërpreu intervistën me zemërim kur prezantuesi e pyeti për viktimat e vëllait të tij, raporton Daily Mail, transmeton Klankosova.tv Duke folur me Piers Morgan, Mark Epstein tha se tani beson “edhe më shumë” se vëllai i tij është vrarë, duke shtuar se “një ekip patologësh po studion aktualisht gjetjet e autopsisë që duhej të ishin bërë që në fillim”.Marku, i cili merret me biznesin e pasurive të paluajtshme, përfundoi: "Kjo do të tregojë pa asnjë dyshim se nuk ishte vetëvrasje... dhe pastaj lind pyetja se kush e vrau dhe kush e urdhëroi vrasjen". Duke iu referuar zhdukjes së pamjeve të sigurisë nga Qendra Korrektuese Metropolitane e Nju Jorkut, ku Epstein u gjet i vdekur në vitin 2019, si dhe fshehjes dhe censurës së supozuar të dokumenteve zyrtare, Mark pyeti veten: "Pse të gjitha këto lojëra? Pse e gjithë kjo errësim? Thjesht nuk ka kuptim". "Nuk më interesojnë viktimat"Megjithatë, kur Morgan e pyeti për viktimat e vëllait të tij dhe nëse ai dinte çfarë po bënte pedofili para vdekjes së tij, ai i hodhi poshtë pyetjet me agresivitet."Sinqerisht, për fat të keq, nuk më intereson fare. Jam thjesht i shqetësuar se vëllai im, kushdo dhe çfarëdo që të jetë, u vra. Ky është shqetësimi im", tha Marku.Kur u pyet për të komentuar më tej mbi viktimat, Mark tha: "Këto janë çështje në të cilat nuk hyj. Kalofshi një ditë të mbarë", pas së cilës ai e mbylli papritur telefonatën.Marku deklaroi gjithashtu se nuk kishte asnjë ide për krimet që vëllai i tij kishte kryer para vdekjes së tij: "Shumë nga ato që dolën më habitën. Nuk isha në dijeni të këtyre gjërave". /Klankosova.tv
●●●
VZ
SHKRIMI NGA
Vanesa Zhugolli
Editorial nga Klan Kosova — ndjek lajme dhe zhvillimet e tjera kryesore të vendit.
