Vëllai i terroristit, medalist olimpik i Belgjikës

Mund të ngjasojë me diçka të pabesueshme por është e vërtetë, një nga terroristët e sulmeve me bomba në Aeroportin Zaventem të Brukselit që u morën jetën dhjetra personave dhe plagosën qindra të tjerë është vëllai i një sportisti i cili në të kaluarën ka përfaqësuar denjësisht Belgjikën duke fituar edhe medalje. Sipas asaj që raporton gazeta angleze Daily Mail, bëhet fjalë për Najim Lachraaoui që tashmë njihet ndryshe si njeriu me të bardha dhe që është shndërruar në armikun më të madh të shtetit belg. I veshur me të bardha Najim Lachraaoui u filmua nga kamerat e aeroportit të Brukselit pak çaste përpara dy shpërthimeve me bombë përkrah dy kamikazëve Ibrahim dhe Khalid El Bakraoui. Është më të vërtetë e çuditshme por vëllai i tij më i vogël Mourad  Lachraaoui është një lojtar i sportit të taekowndo dhe vitin e kaluar  në peshën 54 kg ,fitoi medalje të argjendtë në kampionatin Botëror të Koresë së Jugut duke përfaqësuar me krenari Belgjikën. Menjëherë pasi dëgjuan për ngjarjet dhe përfshirjen e Najim në sulmet terroriste që goditën Brukselin, familja me origjinë marokene dhe djali i vogël Mourad u distancuan nga veprimet e njëriut të tyre të afërt, duke u vendosur në dispozicion të policisë belge për tu dhënë cdo informcion në lidhje me Najim Lachraaoui.