Vëllezërit Morina kishin nga dy plumba në trup, flet mjeku i Urgjencës në Malishevë

Mjeku i Urgjencës në Komunën e Malishevës, Festim Sylejmani, ka dhënë detaje të reja mbi vrasjen e dyfishtë që ndodhi sot në fshatin Gollubovc të kësaj komune. Ai deklaroi se të dy viktima janë sjellë pa shenja jete në Qendrën e Mjekësisë Familjare në Kijevë. Sylejmani tha se ata i kanë pasur nga dy plumba në gjoks. "Pacientin e kam parë dhe e kam ekzaminuar, por s’ka pasur shenja jete hiç. Bebëzat i ka pasur të zgjeruara komplet dhe parametrat vitalë i ka pasur zero. Ka pasur dy plumba në gjoks, i kemi edhe raportin dhe fotografitë. Pacienti tjetër në Kijevë, pasi ata i kam gjetur aty dhe kam shkuar si mjek i urgjencës prej Malishevës në Kijevë, ka pasur po ashtu dy plagë. Njërën e ka pasur në gjoks dhe tjetrën në anën e djathtë. Kur kam mbërritur, të dy kanë qenë pa shenja jete, po ashtu edhe kur i ka pranuar doktoresha kanë qenë pa shenja jete,” ka thënë Sylejmani për KosovaPress, transmeton Klankosova.tv. https://klankosova.tv/e-rende-vellezerit-morina-u-vrane-ne-sy-te-motres-dhe-mbeses-se-tyre-111/ https://klankosova.tv/i-dyshuari-per-vrasjen-e-dyfishte-ende-ne-arrati-prokuroria-po-punon-per-kapjen-e-tij111/ https://klankosova.tv/ekskluzive-dhendri-qe-vrau-dy-miqte-ne-prill-ishte-ne-burg-ka-aktakuze-per-dhune-ne-familje/ https://klankosova.tv/viktimat-32-dhe-45-vjec-detaje-nga-vrasja-e-dyfishte-ne-malish1eve-video/