Vendimi i Qeverisë për ujë falas në kafiteri nuk mbikëqyret nga askush (VIDEO)

Qe më shumë se 3 muaj uji duhet të shërbehet falas për klientët e lokaleve të gastronomisë. Por, kjo që u rregullua me vendim të Qeverisë nuk është që edhe po mbikëqyret. Madje, as lokalet që në mungesë të ujësjellësit është dashur të gjejnë burime alternative, e  që llogariten të jenë rreth 20 përqind e totalit. “Kam pas komunikim me disa anëtarë të shoqatës të cilët nuk e marrin ujin nga çezmat por kanë deklaruar se askush nuk ka qenë me i certifiku” tha Petrit Kllokoqi, Kryetar i Shoqatës së Gastronomëve. E Instituti Kombëtar i Shëndetësisë Publike të Kosovës ka garantuar se uji i Kompanive Rajonale të Ujësjellësit është i pijshëm. “Sa i përket objekteve të gastronomisë që furnizohen nga uji i puseve, rezervuarëve apo rrjeti i cili nuk menaxhohet prej Kompanive Rajonale të Ujit, ende nuk është parashtruar asnjë kërkesë për monitorim nga ana e objekteve te gastronomisë e që është sipas vendimit obligim i tyre.” deklaroi Burbuqe Nushi-Latifi, Koordinatore, Qendra e Monitorimit të Ujit për pije në IKSHPK. Nga Agjencia e Ushqimit dhe Veterinarisë treguan se kanë pasur tre ankesa nga qytetarët që nuk janë shërbyer me ujë nga çezma, me arsyetimin se nuk është i pijshëm. “Ne kemi dërguar inspektor për verifikim të rastit. Kur ekipi inspektues ka nis hulumtimin për furnizimin me ujë zakonisht del se është i kyçur ne ujë të pijshëm.” tha Lamir Thaçi Zyrtar për Informim- Agjencia e Ushqimit dhe Veterinarisë Sipas Thaçit i takon inspektoratit të tregut të ndërmarrë veprime të mëtejme ndaj këtyre rasteve por edhe të mbikëqyrë zbatimin e vendimit. Por, sipas Ministrisë së Industrisë, Ndërmarrësisë dhe Tregtisë, AUV-i, është mbikëqyrës i zbatimit të ligjeve në fushën e sigurisë së ushqimit përfshirë edhe ujin. https://www.youtube.com/watch?v=_tzCFtMDbEg