Një temë e moçme u aktualizua ditët e fundit, një muaj para Asamblesë së Këshillit Evropian.
Kjo pasi vendimi i Gjykatës Kushtetuese i vitit 2016 për kalimin e 24 hektarëve tokë në pronësi tek Manastiri të Deçanit, po shihet si kusht për anëtarësimin e Kosovës në këtë institucion.
Nga qeveria po kërkohet reflektim e të mos përsëritet situata si e demarkacionit, njofton Klan Kosova.
Zbatimin definitiv të këtij dekreti, po e rekomandojnë edhe ish-gjyqtarët e Kushtetueses, pasi moszbatimi është vepër penale.
Për partinë në pushtet nëse ekziston varësia e këtyre dy temave është krejt e pakuptimtë.
Një mendim të tillë e ka edhe ministri i Pushtetit Lokal, Elbert Krasniqi.
Vetëvendosje, sikur edhe Komuna e Deçanit e kanë kundërshtuar në vazhdimësi dhënien e pronave duke thënë se ato kanë qenë pronë shoqërore.
https://www.youtube.com/watch?v=tfJmwQia54U
●●●
BSHKRIMI NGA
BM
Editorial nga Klan Kosova — ndjek video lajme dhe zhvillimet e tjera kryesore të vendit.
