Venezuela fiton Rekordin Botëror Guinness për orkestrën më të madhe në botë

Sistemi Kombëtar i Orkestrave të Rinisë dhe Fëmijëve të Venezuelës, i njohur si "El Sistema", ka vendosur një rekord të ri Guinness për orkestrën më të madhe në botë me 8 mijë e 573 muzikantë që luajnë së bashku, tha qeveria e vendit. Një javë më parë, më shumë se 12 mijë muzikantë luajtën së bashku një pjesë klasike për më shumë se pesë minuta, ndërsa kërkuan të mposhtin një rekord rus që u vendos dy vjet më parë. Eksperti i rekordeve botërore të Guinness, Susana Reyes, ka njoftuar se muzikantët venezuelas kishin qenë të suksesshëm në vendosjen e një rekord të ri pasi luajtën “LaMarche Slave” nga Pyotr Tchaikovsky për më shumë se pesë minuta, shkruan Reuters, përcjell Klankosova.tv Gjatë transmetimit, presidenti Nicolas Maduro tregoi certifikatën e rekordeve botërore Guinness e cila pranoi se "El Sistema" theu rekordin me 8 mijë e 573 muzikantë në orkestër. Rekordi i mëparshëm ishte për një orkestër prej 8 mijë 097 muzikantësh që luajtën së bashku në Shën Petersburg, Rusi. Kushtet kërkojnë që muzikantët të luajnë njëkohësisht pa ndërruar njerëz brenda dhe jashtë, ose pa u dhënë hua instrumentet e tyre lojtarëve të tjerë. "El Sistema" numëron rreth 350 mijë fëmijë dhe të rinj në radhët e saj, duke luajtur në një rrjet prej 180 orkestrash.