‘Vera Andrron Detin’ fiton çmimin Ndërkombëtar të Debutimit në “Ingmar Bergmab”

Filmi kosovar ‘Vera Andrron Detin’ me regji të Kaltrina Krasniqit ka fituar çmimin Ndërkombëtar të Debutimit në “Ingmar Bergmab Competition” Çmimi Ndërkombëtar i Debutimit “Ingmar Bergman” prezantohet në bashkëpunim me Fondacionet Bergman, të cilat përbëhen nga Fondacioni Ingmar Bergman, Bergmangårdarna dhe Bergmancenter”, thuhet në njoftimin e tyre. Çmimi konsiston në një qëndrim në Bergmangårdarna dhe një vizitë personale në Arkivin Bergman në Stokholm., transmeton Klankosova.tv. Për ndarjen e këtij çmimi ka vendosur juria që përbëhej nga Nathalie Álvarez Mesén, regjisor, Asta Kamma August, aktor, Martin Eia-Revheim, sipërmarrës kulturor, Norvegji dhe Rafael Sampaio, producent. Ndryshe, filmi "Vera Andrron Detin", trajton temën e Verës, një grua e moshës së mesme, përkthyese e gjuhës së shenjave, bashkëshorte e një gjykatësi të njohur, një nënë që jep mbështetje dhe një gjyshe e kujdesshme. Jeta e saj e qetë prishet nga vetëvrasja e burrit të saj dhe më pas ndiqet nga kërcënimet e burrave që pretendojnë se shtëpia e saj në fshat iu takon atyre.