Veseli në mbështetje të fushës së teknologjisë

Nën patronatin e kryeparlamentarit Kadri Veseli, sot në Prishtinë ka filluar punimet "Konferenca e Teknologjisë Informative KOSICT". Në fjalën e tij para të pranishmëve shefi i parlamentit theksoi edhe njëherë përkushtimin e tij për të qenë në krahq të të gjitha iniciativave që lidhen me Teknologjinë Informative, përkatësisht inovacionin dhe kreativitetin. Duke e konsideruar këtë konferencë të një rëndësie të veçantë, ai  tha se kjo është edhe një dëshmi e kualitetit të jashtëzakonshëm që rinia e Kosovës posedon në këtë fushë, duke marrë përgjegjësi dhe luajtur rolin e saj në shoqëri. Zhvillimi i kësaj fushe, shtoi i Veseli, lidhet drejtpërdrejt me zhvillimin e gjithmbarshëm të vendit. “Jam i orientuar fuqishëm në përkrahje të këtij sektori dhe të çdo iniciative që mundëson zhvillimin e tij”, theksoi kryeparlamentari Veseli, duke përsëritur qëndrimin për vënien e Qendrës Protokollare në Gërmi në shërbim të Teknologjisë Informative.