Veseli uron myslimanët për festën e Kurban Bajramit

Kryetari i Kuvendit të Kosovës, Kadri Veseli, me rastin e festës së Kurban Bajramit, vizitoi Bashkësinë Islame të Kosovës (BIK), ku u prit nga drejtues të BIK-ut. Veseli uroi këtë festë të gjithë besimtarëve mysliman duke shpresuar që kjo ditë të shërbejë për të afruar më shumë njerëzit me njëri-tjetrin dhe për të shtuar solidaritetin ndaj njerëzve në nevojë, duke larguar përçarjet dhe urrejtjen. “Mesazhi sublim i kësaj feste të shenjtë, përfaqëson vlerat për të cilat gjithmonë kemi nevojë, humanizmin, solidaritetin dhe paqen mes njerëzve” ka thënë kryeparlamentari Veseli. “Të gjithë besimtarëve myslimanë të vendit tonë, urime festa e Kurban Bajramit. Mesazhi sublim i kësaj feste të shenjtë, përfaqëson vlerat për të cilat gjithmonë kemi nevojë, humanizmin, solidaritetin dhe paqen mes njerëzve" ka deklaruar Veseli.