Veseli uron Thaçin për zgjedhjen president në muajin shkurt

Zëvendëskryetari i Partsë Demokratike të Kosovës, Kadri Veseli i shoqëruar nga anëtarët tjerë të Kryesisë, gjatë ditës së sotme qëndruan në komunën e Rahovecit, ku u takuan me strukturat  e PDK-së në këtë komunë. Veseli në këtë takim tha se Rahoveci do të jetë prioritet, vend ky ku buka hahet me djersë. Ai foli  edhe për ecuritë politike në vend, duke theksuar nevojën e unitetit dhe vazhdimësinë e partneritetit me BE-në dhe SHBA-në. “Vendi jonë ka nevojë për unitet dhe bashkëpunim, e jo të akuzohen luftëtarët si tradhtarë dhe të bëhen ofendime nga më të ndryshmet. Për Kosovën është I nevojshëm vazhdimi I partneritetit me Bashkimin Evropian dhe Shtetet e Bashkuara të Amerikës dhe këto parneritete nuk duhen rrezikuar nga veprimet e personave të pandërgjegjshëm të politikës”, tha mes tjerash Veseli, transmeton Klan Kosova. Në fund ai uroi edhe zgjedhjen e kryetar të PDK-së, Hashim Thaçi, president të Republikës së Kosovës, siç tha ai nga muaji shkurt i këtij viti. Nënkryetari i PDK-së, Memli Krasniqi tha se viti 2016 do të jetë vit i fuqishëm në skenën politike, por edhe vit i bereqetshëm për fermerët e vyeshëm të Rahovecit. “Për Partinë Demokratike të Kosovës, bujqësia ka qenë prioritet qysh nga qeverisja e parë në krye me Hashim Thacin dhe ministrin e mëparshëm të bujqësisë, e tash e keni edhe përkrahjen e kryetarit Idriz Vehapi”, theksoi Krasniqi.