Vetaksident në autostradën “Ibrahim Rugova”, lëndohet një person

Një person ka mbetur i lënduar si pasojë e një vetaksidenti në autostradën “Ibrahim Rugova”. Kështu ka bërë të ditur për Klankosova.tv, zëdhënësi i Policisë së Kosovës, Bajram Krasniqi. Ai tha se njësitet kompetente janë duke u marrë me procedurat rreth kompletimit të lëndës. “Rreth orës 13:00, policia është njoftuar për një aksident trafiku. Njësia e trafikut e autostradës, nga vendi i ngjarjes ,autostradë drejtimi Prizren-Prishtinë (rajoni i Suharekës), njofton se ka ndodhur një aksident trafiku. Në aksident është përfshirë vetëm një automjet. Si pasojë e aksidentit, një person ka pësuar lëndime. Policia është duke u marrë me procedurat rreth kompletimit të lëndës”, thuhet në përgjigjen e Krasniqit.