Vetëvendosje poston një fotografi që sipas tyre dëshmon kapjen e RTK-së nga SHIK-u

Lëvizja Vetëvendosje ka postuar një fotografi ku sipas tyre, dëshmohet kapja e RTK-së nga SHIK-u. Në këtë fotografi që sipas Vetëvendosjes, është realizuar më 16 shtator 2016 derisa në foto janë duke darkuar si miq të afërt janë: Mentor Shala (drejtor i përgjithshëm i RTK-së), Mufail Limani (drejtor i RTK1), Ridvan Berisha (kryeredaktor i RTK), Elmi Reçica (SHIK/PDK), Bardhyl Metaj (LDK). “Sulmet e vazhdueshme të RTK-së ndaj Lëvizjes Vetëvendosje dhe mosparaqitja korrekte e aktiviteteve dhe deklaratave tona, janë pjesë angazhimit kriminal të klanit pronto për të heshtur opozitën dhe për të vazhduar krimin e tyre”, shkruhet në postimin e Lëvizjes Vetëvendosje, transmeton Klan Kosova.