Vettel i pari në Belgjikë

Pas 10 vjetësh Ferrari ka arritur të fitojë  Çmimin e Madh të Belgjikës pas triumfit të sotëm nga piloti i kësaj skuadre Sebastian Vettel. Edhe pse gjermani u nisë sot nga vendi i dytë, ai që në xhiron e parë arriti të kalojë rivalin nga ekipi i Mercedes, Lewis Hamilton duke ruajtur dominimin deri në fund të garës, ESPN, përcjell Klan Kosova. Hamilton në këtë garë doli i dyti duke lënë pas pilotin holandez të Red Bull, Max Verstappen. Gjatë kësaj gare u pa gjithashtu një aksident i frikshëm në të cilin u përfshinë pesë makina ku protagonist ishte edhe Fernando Alonso.