Vetura e vjedhur i kthehet pronarit, policia arreston të dyshuarin

Një person është arrestuar sot nga Policia e Kosovës për vjedhjen e një veture në nëntor të vitit 2024. Në njoftimin e policisë thuhet se automjeti i vjedhur është i tipit “Audi A3” në vlerë të 4 mijë eurove, dhe ishte raportuar nga pronari si i vjedhur më 14 nëntor të 2024-së. Tutje, shtohet se gjatë fazës hetimore, njësitet hetimore të policisë në kanë identifikuar të dyshuarin, i cili më herët ishte arrestuar për vepra të tjera penale. “Pas intervistimit të tij më datë 31.05.2025, është zbuluar lokacioni i automjetit të vjedhur”, thuhet në njoftim. Policia shton se automjeti i gjetur i është kthyer pronarit legjitim. /Klankosova.tv