Zjarrfikësit në Massachusetts të ShBA-së kanë shpëtuar një viç, i cili kishte rënë në një pus 20 metra të thellë dhe ishte në rrezik serioz për t'u mbytur.
Departamenti i Zjarrfikësve “Medway” tha në një postim në Facebook se një ekuipazh i tyre iu përgjigj një ferme lokale për të kryer një shpëtim teknik për lopën e re.
Departamenti ndau fotot e një zjarrfikësi duke u ngjitur nga pusi me viçin, ndërsa zjarrfikës të tjerë dhe dy policë u përgatitën për ta ngritur kafshën përsëri në nivelin e tokës, transmeton Klankosova.tv
“'Medway Fire' është i lumtur të raportojë se viçi u hoq me sukses nga pusi dhe u bashkua me tufën", thuhej në postim.
●●●
ASHKRIMI NGA
A.B
Editorial nga Klan Kosova — ndjek kuriozitete dhe zhvillimet e tjera kryesore të vendit.
