Victoria Beckham ka ngrënë të njëjtin vakt për 25 vite apo edhe më gjatë, sipas David Beckham

Pavarësisht se është në gjendje të paguajë një sërë ushqimesh të shijshme dhe ekstravagante, Victoria Beckham me sa duket ka ngrënë të njëjtën vakt pothuajse çdo ditë për 25 vite. Ylli i futbollit, David Beckham, foli për zakonet e të ngrënit të gruas së tij, duke treguar se prej që ai e takoi, Victoria ha vetëm peshk të pjekur në skarë dhe perime në avull. David tha se kishte një rast në të cilin gruaja e tij mori diçka nga pjata e tij, dhe kjo ishte kur ajo ishte shtatzënë me vajzën e tyre, Harper. Ai e përshkroi ngjarjen si diçka të mahnitshme. “Ishte një nga mbrëmjet e mia të preferuara. Nuk e mbaj mend se çfarë ishte, por e di që ajo nuk ka ngrënë më diçka tjetër që atëherë. Duket se përkundër historisë së saj muzikore, Victoria nuk është në të vërtetë një vajzë erëzash, shkruan Unilad, transmeton Klankosova.tv. Megjithëse Victoria nuk duket të jetë shumë e guximshme kur bëhet fjalë për ushqimin, David tha se ai në fakt bëhet emocional për ushqimin dhe verën, aq shumë sa dëshiron që të gjithë rreth tij të bashkohen në gëzimin e tij kur ai ha diçka të mrekullueshme.