Videot tani do të hapen në mënyrë automatike, njëjtë sikurse në Facebook. Fillimsht ato nuk do të kenë zë, ndërsa për të parë në madhësi më të madhe, ju duhet të klikoni mbi video, së cilës do t’i lëshohet edhe zëri.
Këto ndryshime janë të gatshme për përdoruesit e iOS dhe për formatin web, ndërsa shumë shpejtë do të jetë e gatshme edhe për përdoruesit e Android. Këto ndryshime do të aplikohen edhe për “Vines” dhe për skedarët “GIF”.
Ndryshimet e fundit të Twitter-it, bëjnë që kjo kompani të shkojë rrugës së njëjtë sikurse Facebook-u. Që nga viti 2013 në Facebook videot luhen në mënyrë automatike, ndërsa Twitter kërkon ta imitojë edhe për mënyrën se si kanë tërhequr reklama duke përdorur videot.
●●●
ABSHKRIMI NGA
A. BA
Editorial nga Klan Kosova — ndjek tech & auto dhe zhvillimet e tjera kryesore të vendit.
