Vidhet një veturë në Lipjan, policia arreston të dyshuarin

Një grua ka raportuar në polici se vetura e saj është vjedhur nga persona të panjohur në Lipjan. Policia ka arritur të identifikojë një të dyshuar i cili është arrestuar dhe dërguar në mbajtje. Vetura i është kthyer pronares, transmeton Klankosova.tv. "Ankuesja femër kosovare ka raportuar se persona të panjohur i kanë vjedhur veturën e saj. Është identifikuar dhe arrestuar i dyshuari mashkull kosovar dhe me vendim të prokurorit është dërguar në mbajtje, kurse vetura i është kthyer pronares", thuhet në raportin e policisë.