Ndërsa të hënën pritet të nisë edicioni i 4-të i shout më të madh ndër shqiptarë, BigBrother VIP Kosova, në emisionin “Weekend” në Klan Kosova ishin të ftuar ish-banorët Artan Thaçi, Monika Salihu, Xuxi dhe Vullnet Krasniqi.
Ata folën për strategjitë që duhen përdorë në BBVK.
Sipas mendimit të tyre, personat që viktimizohen brenda shtëpisë nuk mund të mbijetojnë, sepse ata thonë se publiku nuk i do.
Vullnet Krasniqi tha se nuk mund të hysh me plane, sepse gjithçka mund të ndryshojë, sepse nuk varet gjithçka nga ju.
“Ti çohesh me një mendim, ose nisesh me i thënë dikujt diçka, por dikush tjetër ta prish. Bile këtë e kisha dhënë si sugjerim, sepse edhe unë kam hyrë në javën e parë me plan, por nuk funksionon. Veç hyni në shtëpi, jetoni me ata banorë”, tha Krasniqi.
Thaçi kërkoi nga banorët e rinj të mos i shikojnë edicionet e kaluara.
“Aman mos i kqyrni edicionet e kaluara, sepse mund të bëhesh si dikush tjetër, e nuk do të jesh vetvetja”, Artan Thaçi.
E Xuxi tha e sikur të shikonte ndonjë edicion të kaluar, nuk do të hynte kurrë në BBVK.
“Kur dola nga BBVK, gruaja më ka thënë: t’i kishe hy nja dy javë para se me hy, veç me i kqyrë ato të kalumet, me pa pak e me ditë me lujt, ndryshe kish me qenë. E unë i thash, ‘me pas hy unë me i kqyrë, unë s’kisha hy kurrë’, se që më thotë mua një 20-vjeçar ‘mshele gojën more i pafytyrë, e i pafe’, s’kisha hy kurrë. Mos kqyrni kurrgjë, jini vetëvetja”, tha Xuxi.
Monika Salihu tha se ka qenë gjatë gjithë kohës vetvetja.
“Nuk di që ka qëndruar dikush më vërtet se unë gjatë gjithë kohës. Janë çuditur edhe njerëzit sepse jam zhdukur nga skena publike për një kohë të gjatë”, deklaroi ajo.
Ndiqeni bisedën mes tyre:
https://youtu.be/KCBkvCz_Q2s
●●●
ASHKRIMI NGA
A
Editorial nga Klan Kosova — ndjek lajme dhe zhvillimet e tjera kryesore të vendit.
