Vit i ri - synime të reja; Këshilla për trup ideal dhe ushqyerje të shëndetshme

Çdo fundvit, shumë njerëz mendojnë për gjërat që nuk i arritën, por thellë në mendje i premtojnë vetes se me fillimin e vitit të ri, do të fokusohen në fitimin e shprehive që janë të mira për ta. Në të shumtën e rasteve, njerëzit kanë tendencë që në fillim të janarit të fillojnë ushtrimet në palestër, dietat apo gjëra të tjera që do të ishin të mira për ta. Megjithatë, ky intuziazëm shpesh bie për shkak të përtesësës apo rrethanave të tjera. Sido që të jetë, nëse jeni njëri nga ta, Klankosova.tv ka biseduar me një trajner fitnesi, Benet Tolaj, si dhe dietologun Besnik Humolli, për të mësuar se me çfarë ushtrime të merremi, çka të hamë e çka të mos hamë, si dhe për këshillat tjera që duhet ndjekur. Trajneri Tolaj, për këtë vit propozon që gjithësecili të fillojë palestrën apo shprehinë që të bëjnë ushtrime në kushte shtëpiake si dhe daljen në natyrë, pasi e gjithë kjo është në të mirë të shëndetit. “Fillimisht, kërkesat, dëshirat dhe realiteti shpesh herë janë të kundërta me njëra-tjetrën , por që qëllimi për të arritur një trup të palestruar mirë, pa celulite dhe pa dhjam është shumë i madh,. Duke marrur parasysh që kemi shumë lloje të ndryshme të trupave, konkretisht gjenetikë të ndryshme nga njëra-tjetra, atëherë edhe kërkesat janë të ndryshme. Por, disa nga kërkesat e shpeshta që vajzat i kanë prioritet janë heqja e dhjamit të tepërt në bark dhe formimi dhe rikonstruktimi i gluteusit.  Shpesh herë me klientëtn hasim në probleme trupore të cilat nuk janë vënë re gjatë kohes që nuk janë marrur me aktivitete sportive ose që vijnë si pasojë e mosstërvitjes së mirë. Disa nga problemët që hasim janë: skolioza (devijimi i boshtit kurrizor) , spondiloza, hernia diskale, problemet me gjunjë (patelen e gjurit) dhe ligamente kryesisht (Acl), e shumë probleme të tjera që e ndryshojnë synimin fillestar. Gjatë eksperiencës time shtatëvjeçare si trajner fitnesi, kërkesat bazike kanë qenë gjithmonë të njëjta; formësimi i trupit në përgjithësi, por në dy apo tri vitet e fundit, vetdijësimi individual për t’u marrur me palestër është shumë më i madh se sa ka qenë më herët. Gjithashtu, kërkesa për të ngrënë ushqime të shëndetshme është shumë më e madhe”. Sa i përket atyre që duan të humbin peshë, Tolaj këshillon ushtrime me pesha dhe një orë ushtrime kardio, kështu pesë herë në javë. Ndërsa, për njerëzit që duan të shtojnë peshë, Tolaj këshillon fokusim në ushtrime me pesha si dhe në ushqim specifik. Për një trup ideal, Tolaj tha për Klankosova.tv se duhen ushtrime me pesha më të rënda dhe ushqime strikte. “Yndyrna fare, sa më pak sheqer dhe më shumë proteina. Preferohet të ushtrohet çdo ditë, pa pushim, nga 2 dy orë. Gjithashtu gjumi është shumë i reëndësishëm, sidomos për trupin ideal që e ëndërroni. Trupi duhet të pushojë tetë orë dhe me orar të njëjtë”, tha trajneri Tolaj. Tolaj tregoi se klientët e tij fillimin e kanë më të vështirë, derisa të mësohen me mënyrën e të ushtruarit. “Ata zakonisht nuk koncentrohen si duhet në ushtrime, gjë që është shumë e rëndësishme, sepse duhet të fokusohen në ushtrimin që e bëjnë dhe ta vënë në funksion muskulin të cilin ne duam ta ngacmojmë. Nëse ushtrimi bëhet pa fokus, vështirë të arrihet synimi i kërkuar. Më së shumti duhet t’i ndalojë ushqimet me shumë yndyrë dhe sheqerin në pergjithësi, ndryshe, çdo person ka trup të veçantë, për të cilin nevojitet plan ushqimor i veçantë”. Sa i përket dilemës nëse është më mirë që të ushtrohet në palestër apo natyrë, Tolaj tha se të dy ambientet i kanë të mirat e tyre, pasi në palestër, vetë ambienti të jep motiv per të ushtruar dhe se paisjet e palestrës ndihmojnë shuë në stërvitje, ndërsa natyra është ambient më i qetë dhe më e mirë për vrapim. Trajneri tha se njerëzit fillimisht duhet të fokusohen në humbjen e peshës, pastaj në formimin e muskujve. Lojtari Lirim Kastrati duke bërë palestër, nën këshillat e trajnerit Tolaj

View this post on Instagram

 

A post shared by ???????? ??????? ™ (@benettolaj)

Ndërkohë, në pyetjen se cila stinë është më e mira për t’u fokusuar në ndërtimin e trupit, Tolaj tah se padyshim që trupi ndërtohet më mirë gjatë stinës së dimrit. “Për personat që punojnë ulur për orë të tëra, rekomandohen me se shumti ushtrimet e shpinës”, tha ai. Besnik Humolli, i cili ka 16 vite që e ushtron profesionin e nutricionistit, thotë se edhe pse disa vite më parë njerëzit nuk kanë qenë të informuar rreth mënyrës së të  ngrënit shëndetshëm, në ditët e sotme shumë persona janë të interesuar për të mësuar më shumë rreth jetesës së shëndetshme. Ai këshillon që ushqyeshmëria të jetë prioritet dhe të mos neglizhohet, sepse kjo është mënyra e vetme për të mbajtur peshën nën kontrollë. “Do të keni energji më të madhe gjatë ditës dhe do të gëzoni një shëndet të mirë në përgjithësi”, thotë Humolli. Pyetja e shpeshtë që bëhet nga njerëzit, është se sa herë në ditë duhet të hamë. Për këtë, nutricisti Humolli thotë se numri i vakteve duhet të përcaktohet në baze të metabolizmit dhe aktivitetit fizik. “Për disa që e kanë metabolizmin e ngadaltë, sugjeroj të ushqehen dy herë brenda ditës , për mesatarët tri herë brenda ditës, kurse për ata që e kanë metabolizmin e shpejtë, katër herë brenda ditës. Kjo ndryshon për sportistët që kanë për qëllim rritjen e performancës dhe pjesëmarrjen nëpër gara”. Problematike për ata që duan të humbin peshë, mbetet mosrezistimi i konsumimit të ushqimeve të caktuara. Humolli, për t’i rezistuar kësaj, rekomandon që të mbahet nën kontroll niveli i sheqerit në gjak. “Për të mposhtur nepsin (dëshiren e madhe për të konsumuar një ushqim të caktuar), duhet  që të mbajmë nën kontroll nivelin e sheqerit ne gjak, sepse destabilizimi i sheqerit në gjak na shpie deri tek dëshira e madhe për ëmbëlsira. Për të mbajtur stabil nivelin e sheqerit ne gjak, duhet që për çdo racion ushqimor të konsumojmë një sasi të konsiderushme të proteinave dhe yndyrërave, si dhe një sasi shumë të ulët të karbohidrateve, të cilat kryesisht duhet të jenë komplekse dhe jo karbohidrate të thjeshta – sheqerna”. [caption id="attachment_1940044" align="alignnone" width="708"] Tranformimi i trupit të një klienti të nutricistit Humolli[/caption] Ani se në botën e internetit ka shumë këshilla për një trup të ëndrrave, Humolli thotë se për të ardhur deri në udhëzime të sakta, duhen teste dhe informata të ndryshme rreth atij/asaj që ka synim trupin ideal. “Pyetja më e shpeshtë që më bëhet në rrjete sociale është “si me hjek barkun” dhe “si mi qit kockat” . Kjo është një pyetje që kërkon një analizë shumë të thellë rreth atij personi, saqë shpesh herë është e pamundur të ju përgjigjem përmes shkronjave. Për t’u përgjigjur sa me saktë, paraprakisht duhet të dihet reth metabolizmit, intolerancave ushqimore, gjendjes se gjëndrave tiroide, aktivitetit fizik, mënyrës së jetesës, përdorimit të barnave, kohëzgjatjes së gjumit, kohëzgjatjes që vuan nga mbipesha, problemeve të tjera shëndetësore, etj. Pra vetëm atëherë kur kemi njohuri rreth këtyre informatave, mund të vijmë deri tek një përgjigje e saktë”, shprehet ai. Humolli tutje rekomandon bërjen e testeve të intolerancës ushqimore. “Testimi i këtyre produkteve realizohet përmes frekuencës, pa shpuarje, pa gjak dhe pa fije floku, pra është metodë e re, e cila njëherit është metoda më e saktë në vendin tonë. Ky test shërben jo vetem për të rëne në peshë apo për të shtuar, por edhe për të përmirësuar problemet me fryerjen e barkut, ngërçet, kapsllëkun, diarren, gazrat, kokëdhembjen, nervozën, aknet në fytyrë, irritimin e lëkurës, pagjumesinë, etj. Pra me fjalë të tjera, ky test shërben për të pasur një trup fit dhe shëndet të mirë në përgjithësi”. [caption id="attachment_1940045" align="alignnone" width="715"] Nutricisti Besnik Humolli[/caption]