Vitia për Projektligjin për Barna: Përfitues janë qytetarët - do t’i punësojmë 42 inspektorë për monitorim

Ministri i Shëndetësisë, Arben Vitia ka dalë në konferencë për media mas miratimit në qeveri të Projektligjit për Barna. “Është një politikë e re që do ta ndihmojë ministrinë për të vendosur standarde dhe do ta bëjë rregullimin e shumëpritur të produkteve mjekësore në tregut farmaceutik. Përfitues janë qytetarët që do të mbrohen nga çmimet abuzime dhe shpenzimet tepër të larta”, është shprehur Vitia, transmeton KlanKosova.tv. Vitia ka pohuar se me Ligjin për Barna nuk do të ketë produkte të njëjta me çmime të ndryshme. Në anën tjetër për monitorimin e ligjit, ai ka shtuar se do të punësohen inspektorë shtesë. “Rritja e numrit të inspektorëve ka qenë premtim i yni elektoral. Me buxhetin e këtij vitit është paraparë që të punësohen 42 inspektorë shendetësorë”. Rrini të informuar mbi zhvillimet kryesore duke u bërë pjesë e komunitetit tonë në Viber BONUS: Merreni aplikacionin tonë në Android dhe iOS.