Vitia premton pagesa shtesë për mjekët specialistë të sektorit publik (VIDEO)

Ministri i Shëndetësisë, Arben Vitia gjatë kësaj të enjte vizitoi Ferizajn dhe institucionet shëndetësore të kësaj komune. Me këtë rast ministri Vitia theksoi se qëllimi i gjithë kësaj është dakordimi për të marrë epilog Spitali i Ferizajt. Projekt ky që në këtë vit është në linjë buxhetore, për të cilin u tha se do të nisin edhe procedurat e shpejtuara, njofton Klan Kosova. Spitali regjional i këtij qyteti funksionon me vetëm 3,400 metra katrorë dhe me shërbime të kufizuara. Në kuadër të kësaj vizite Vitia u deklarua edhe për çështjen e koeficientit sa i përket pagave të profesionistëve shëndetësorë dhe pakënaqësive të tyre. "Nëse më pyesni mua si mjek dhe ministër i Shëndetësisë, kisha dashur të ishin akoma më të larta. Mirëpo kjo kategori ka përfituar pagat më të larta nga ky koeficient", deklaron ministri Arben Vitia. Në mes tjerash i pari i Shëndetësisë tha se do të ketë pagesë shtesë për mjekët specialistë që zgjedhin të punojnë vetëm në sektorin publik. Për këtë është në përfundim e sipër një rregullore e cila pritet të miratohet së shpejti. https://www.youtube.com/watch?v=hi2PxMqCTyI