Vitia pret në takim ambasadorin e ri të Mbretërisë së Bashkuar, flasin për forcim të bashkëpunimeve

Ministri i Shëndetësisë, Arben Vitia priti në takim ambasadorin e ri të Mbretërisë së Bashkuar në Kosovë, Jonathan Hargreaves, duke i uruar mirëseardhje dhe suksese në detyrën e tij të re. Gjatë takimit, u diskutua për marrëdhëniet e shkëlqyera mes dy vendeve dhe përkushtimin e ndërsjellët për forcimin e bashkëpunimit, njofton Klankosova.tv. Hargreaves shprehu kënaqësinë e tij për të qenë në Kosovë dhe për të kontribuar në thellimin e bashkëpunimit mes dy vendeve mike. Ndërsa Vitia falënderoi ambasadorin Hargreaves për bashkëpunimin e ngushtë në fushën e shëndetësisë dhe ndihmën e dhënë nga Mbretëria e Bashkuar.