Vitin e ardhshëm, Eurovisioni s’mbahet në Ukrainë, por në Angli

Është konfirmuar se vitin e ardhshëm Eurovisioni do të zhvillohet në Mbretërinë e Bashkuar. Organizatorët e festivalit kanë vendosur që ngjarja nuk mund të mbahej në vendin fitues, Ukrainë, për shkak të luftës së vazhdueshme pas pushtimit të Rusisë. Mbretëria e Bashkuar doli e dyta këtë vit. Nuk dihet ende se cili qytet do të jetë mikpritës, por qytete duke përfshirë Glasgow dhe Manchester kanë shprehur interesim, transmeton Klankosova.tv. Britania e Madhe ka një numër vendesh me arena të përshtatshme, akomodim dhe lidhje transporti ndërkombëtar. Leeds, Liverpool, Newcastle, Birmingham, Aberdeen, Londër, Brighton, Bristol, Belfast dhe Cardiff gjithashtu mund të jenë në garë. Qytetet do të duhet të dëshmojnë se kanë objektet e duhura dhe të kalojnë një proces tenderimi, i cili do të fillojë këtë javë.