Vizita e “detyrueshme”: Vuçiqi s’pati qare pa shkuar në Kinë (VIDEO)

Në Samitin e Berlinit të mbajtur të hënën në Tiranë, e dërgoi kryeministren Ana Bërnabiq. E vetë presidenti i Serbisë, Aleksandar Vuçiq, me një numër të madh të ministrave po të njëjtën ditë (16 tetor 2023) zbarkoi në Kinë, ku në Pekin mbahet samiti, “Një brez, një rrugë”. Në po të njëjtën ngjarje po merr pjesë edhe presidenti i Rusisë, Vladimir Putin, që ka fletëarrest nga Gjykata Ndërkombëtare e Hagës, për shkak të krimeve ruse në Ukrainë. Vuçiqi thotë se nuk pati takim bilateral me Presidentin nga Moska, por megjithatë me të e zhvilluan një bisedë siç e quan të shkurtër dhe se sipas tij, rusi “po shpërthen nga vetëbesimi”. Drejtori i Forumit për Marrëdhënie Ndëretnike me seli në Beograd, Dushan Janjiq, thotë se një takim sy më sy e publik me Putinin, ashtu siç e kishin në nëntor të 2021-ës, do të ishte gati fatal për politikën e presidentit serb. Sipas tij, Republika Popullore e Kinës po bëhet jo vetëm rival ekonomik por potencialisht edhe i politikës së sigurisë së Shteteve të Bashkuara të Amerikës. Delegacioni nga Beogradi nënshkroi në kryeqytetin kinez me shtetin nikoqir disa ujdi. Për herë të fundit siç u tha “gjatë e me detaje” Vuçiqi dhe Putini u takuan në Soçi të Rusisë më 25 tetor 2021. Siç pati thënë atëherë presidenti i Serbisë, tema kryesore e bisedës ishte Kosova. /Klankosova.tv https://www.youtube.com/watch?v=D6yPXkx_UsQ